Ausflüge
Günstig zua Wiesn
Wennst koa Deitschland-Billettl hosd, kimmst mit de Tagesbillettl am billigstn zua Wiesn:
- Mim “MVV Dog Billettl” fia olle, de ausm Oberland, von Kufstoa, vom Chiemsä oder vom Ammersä kemma und no zum Minga Tarif Verbund zäin.
Des Billettl guid den ganzen Dog bis 6e in da Friah. Des Gruppn Dog Billettl guid für bis zu 5 Leit. Zwergerl bis 14 Johr guidn hoib, hoasd auf oan Billettl kanndn 10 Zwergerl fahrn.
Ledige zoin z.B. vom Dägansä zur Wiesn (Zone M-7) 19,30 € und a Blosn 34,20 €. Schauts wegn de Zonen am bestn, wo die letzn ei- oda aussteign wuin. Ansunsten sogt eich a da Automat des richtige Billettl, wenn ihr eigibts von wo bis wo ihr fahrn wuits. Zur Wiesn brauchts ihr aba scho moi mindestens Zone M.
- Oda mim “Griaß Di God Billettl” für olle di ned im Minga Tarif Verbund eisteign
Mim “Griaß Di God Billettl” deafst de BRB nutzn. Wurscht, obst ins Allgäu, noch Soizbuag oda auf d´Wiesn mogst.
Des Billettl guid Moda bis Freida vo 9ne bis 3 an nachstn Dog in da Friah. Am Samsda und Sundda an ganzn Dog.
Da Erste zoid bloß 29 €, olle andern oiwei 10 €. Oiso sans bei 5 Leit insgesamt 69 € oda a 13,80 € pro Nosn. Bei jedm Billettl konnst dann a no 3 Zwergerl bis 14 Johr mitnehma, egal ob vo Dir oda vo am Spezl.
